Rregulloret për Bagazhet tek DiasporaFly

Bagazhi i Dorëzuar
Çdo udhëtar, përfshirë fëmijët, ka të drejtë të transportojë deri në 20 kg bagazh të dorëzuar pa pagesë. Rekomandohet që asnjë valixhe të mos kalojë peshën prej 32 kg.

Tarifa për Bagazhin e Tepërt
Nëse pesha e bagazhit tuaj tejkalon kufirin e lejuar, aplikohen tarifa shtesë. Këto tarifa llogariten në bazë të peshës së tepërt.

Bagazhi i Dorës
Për siguri dhe rehati gjatë fluturimit, çdo udhëtar mund të marrë vetëm një çantë dore. Pesha maksimale e lejuar është 6 kg (ose 8 kg për çantat që përmbajnë laptop), dhe përmasat nuk duhet të kalojnë 55 cm x 40 cm x 20 cm. Këshillohet që artikujt e vlefshëm, barnat dhe artikujt e ndjeshëm të mbahen në bagazhin e dorës. Detaje shtesë për përgjegjësinë mund t’i gjeni në konfirmimin tuaj të rezervimit.

Tarifat për Bagazh të Tepërt
Kufiri maksimal i bagazhit të lejuar është i shënuar në biletën tuaj. Çdo bagazh që tejkalon këtë kufi konsiderohet si bagazh i tepërt dhe për të aplikohet tarifë shtesë. Tarifat varen nga pesha ose numri i bagazheve shtesë, në përputhje me strukturën tarifore në fuqi.

Humbja ose Dëmtimi i Bagazhit
Në shumicën e rasteve, bagazhet e humbura gjenden brenda 24 orëve. Nëse bagazhi juaj mungon për më shumë se pesë ditë, zyra Lost and Found do të nisë një kërkim të hollësishëm. Për bagazhet që nuk gjenden pas pesë ditësh ose për pyetje të tjera, ju lutemi kontaktoni qendrën tonë të bagazheve në Bernë.